عمرو أديب يرسل رسالة مؤثرة لأنغام ويؤكد: سأظل دائمًا بجانبك

وجه الإعلامي عمرو أديب رسالة مؤثرة للفنانة أنغام بعد تعرضها لوعكة صحية، حيث كتب عبر حسابه على أكس: “أنا بحبك يا أنغام، جايز معرفتش أعبر عن ده سنين طويلة، بس أنا بحبك فعلاً وبحترم كل حاجة عملتيها وقدمتيها، عارفه بقيت بسمع كلمات الأغاني كلمة كلمة، وجت لحظة كنت خايف عليكي جداً”.

وأضاف: “أختي وحبيبتي وصاحبتي، النهارده ندمان إني معبرتش كتير، بس في رحلتنا سوا لازم تعرفي أني موجود جنبك وبحبك”.

من جانبها، حرصت الفنانة أنغام على توجيه رسالة صوتية لجمهورها عبر موقع فيسبوك بعد أزمتها الصحية، حيث قالت: “أنا فكرت أكتب ولا أتكلم معاكم بصوتي وأقولكم شكرًا لكل واحد وقف جنبي ودعالي حتى لو مش بيحبني، أنتم دعيتوا وربنا استجاب، ودعاكم كان هو الدواء، وهو اللي خلاني أقف على رجلي بعد ربنا”.

وتابعت: “مش عارفة ما أبكيش من فرحتي وامتناني لله وليكم، انتوا كمان دعيته لأم اتمنت من ربنا إنها تكمل شوية حياة مع أولادها وتفرح بيهم وترجع تعيش وسطهم تاني، أنا كان كل خوفي أسيب ولادي، مش عايزة حاجة من الدنيا غير بس بدعي ربنا أرجع لهم نفسي أكمل معاهم شوية”.