كريم سرور يودع صديقه الراحل بهاء الخطيب بكلمات مؤثرة تلامس القلوب
أعرب الفنان كريم سرور عن حزنه العميق بعد فقدانه لصديقه الفنان الشاب بهاء الخطيب، الذي توفي في الساعات الأولى من صباح اليوم نتيجة أزمة قلبية مفاجئة.
ونشر كريم سرور عبر حسابه على موقع التواصل الاجتماعي «فيسبوك» رسالة مؤثرة، حيث قال: «بهاء الخطيب مات.. إيه الاختبار ده.. ليه بالكسرة دي.. ده ماكنش بيمل من الكلام عن أحلامه، دايمًا بيشجعنا (يلا عرض، يلا فيلم، يلا نشتغل)»
وأضاف: «عمري ما شوفتك مكشر حتى في عز إحباطك، كنت متأكد إنك هتكون نجم كبير، كنت عارف إن تعبك هيجيب فايدة.. للأسف رحلت قبل ما تحقق أحلامك»
وتابع سرور: «قلبي واجعني ومقهور.. مش قادر أصدق ولا أبطل عياط عليك، مع السلامة يا جميل يا محترم يا بشوش.. ربنا يرحمك يا بهاء ويجعل مثواك الجنة»
واختتم قائلاً: «مش مستوعب إزاي الموت قريب وقاسي كده.. غيابك هيفرق أوي، ربنا يرحمك يا بهاء ويدخلك فسيح جناته، أدعوله يا جماعة، والله يستاهل كل الرحمة والمغفرة»