توفي الفنان الشاب بهاء الخطيب منذ قليل، حيث أعلن صديقه الفنان حسام داغر عن هذا الخبر الحزين عبر حسابه الشخصي على فيس بوك، ونعاه بكلمات مؤثرة قائلاً: “ده لسه متكلمين انك تيجي تقعد معايا كام في اسكندريه”، وتابع حديثه عن ذكرياته مع الراحل، حيث قال: “قلتلك هتحب قعدة بلكونتي علي البحر علطول، ورجعت اقولك خلينا في الشتا هيبقي احلي، الجو دلوقتي صيف وحر”، واستمر في التعبير عن حزنه قائلاً: “خلاص لا بقه في شتا ولا صيف ولا حاجه، الناس بتمشي فجأة ازاي كده، لا حول ولا قوة الا بالله، دموعي منشفتش من يوم تيمور وقلبي لسه موجوع، تقوم تمشي فجأة، انت يعني ايه وقع وهو بيلعب كوره مات، أنا عقلي هيجراله حاجه، الثبات والعقل والصبر من عندك يا رب”.
وأضاف حسام داغر: “بهاء الجميل المحترم الطيب، اعرفه من وهو في مسرح الجامعة وقبل المعهد، وكبر قدامي”، وختم حديثه قائلاً: “كان ناجح في كل حاجه، حتى مجاله وشغله الأساسي جنب التمثيل، لو اعرف انك هتمشي فجأة كنت قابلتك، مفضلناش ناجلها ليه يا ربي، الطيبين المحترمين بيمشوا فجأة، لا حول ولا قوة الا بالله، الصبر من عندك يا رب”.
بهاء الخطيب هو ممثل مصري وُلد في عام 1984، تخرج من كلية الحقوق بجامعة القاهرة في عام 2006، ثم التحق بالمعهد العالي للفنون المسرحية قسم التمثيل والإخراج، شارك في عدد من الورش الفنية مع مروة جبريل وجوديتا سالم ولطفي لبيب ومحمود الجندي وعلي بدرخان، ومن أبرز أعماله: صاحب المقام، عائلة الحاج نعمان ج2، واحة الغروب.
التعليقات