علقت أسما منير، ابنة الفنان شريف منير، على إقبال الناس على الذهاب للساحل، حيث وصفت تلك الظاهرة بـ “سباق المناظر” وتحدثت عبر حسابها الخاص بموقع إنستجرام قائلة: “الحمد لله إن أنا وجوزي وبنتي، مش بنجري ورا سباق الساحل، إحنا بنلاقي نفسنا في أماكن زي سينا، البحر الأحمر، نويبع، ودهب، لأن هناك الكلام كله عن الطبيعة، وعن كيفية قضاء وقت ممتع معًا، وجمع أنفسنا حول لحظات بسيطة تحمل الخير”.
ممكن يعجبك: رسالة صادمة من محمد التاجي تكشف عن تجربته بعد الموت
وتابعت أسما: “زمان كنا بنروح إسكندرية أو العجمي، وكنا نسترجع ذكريات بسيطة مثل آيس كريم من صابر، وسمك من عند أبو أشرف، والليالي اللي كنا نقعد فيها قدام التلفزيون ناكل جبنة وبطيخ، كانت لحظات صغيرة لكنها مليئة بالدفء والحب، وهي دي اللي فضلت جوانا”.
وأضافت: “على عكس الساحل الآن، حيث أصبح الحديث يدور حول من يرتدي ماذا، وأين يجلس، وما لديه، إحنا بنحب نبعد عن كل ده، ونتمسك بالأماكن اللي لسه فيها روح الطبيعة والبساطة”.
واستكملت: “خلوا دائمًا القيمة في إنكم تكونوا على طبيعتكم، بعيد عن سباق المظاهر، دي الذكريات اللي بتبقى، وهي دي الحاجات اللي فعلاً بتعطي للحياة معناها الحقيقي”.
شوف كمان: من بينهم لقاء سويدان وأحمد بدير.. نجوم يحتفلون بالعيد القومي لأسيوط (صور)
وأنهت أسما حديثها بالقول: “ولازم نفتكر كمان إن الأطفال لما يعيشوا حياة بسيطة بعيد عن الضغوط والمظاهر، بيكتشفوا نفسهم أكتر، ويتواصلوا مع اللي حواليهم بصدق، وبيبقوا واثقين وآمنين، بدل ما يستخبوا ورا ماركة أو شكل، البساطة مش بس راحة، دي كمان تربية على الأمان الداخلي”.
علاقة أسما شريف منير بزوجها
يذكر أن أسما شريف منير قد تحدثت عن كواليس تعرفها على زوجها أحمد شامل عزمي، وذلك بعد احتفالهما بزفافهما في حفل بسيط اقتصر على حضور الأهل والأصدقاء المقربين فقط.
وقالت أسما في مقطع فيديو لها عبر حسابها الرسمي بموقع إنستجرام: “أحمد ظهر في حياتي بشكل مفاجئ كأنه طلعلي من تحت الأرض، وكنت أتمنى أن أتزوج، ربنا يكرمني في موضوع الزواج، قابلته في شغلي وكان جاي يدي ورش، وتعرفنا على بعض ولقيته مختلف جداً ومش شبه أي حد في حياتي”.
وأضافت: “كان بيرقص رقص معاصر وكان من أشطر الناس اللي كانوا بيرقصوا هذه النوعية، هو رجع فكرني إن في حاجات مش عادية، وبنتعلم مع بعض، وفي نيتنا أن نمشي في طريق ربنا ونحترم علاقتنا، ولقيته مختلف وغير الناس اللي أعرفهم، لقيته حد طيب عايز يبني حياة محترمة”.
- داليا مصطفي تتألق بإطلالة ساحرة باللون الأسود في أحدث ظهور لها
- احتفال دياب بعيد ميلاد زوجته.. العمر كله معًا في حب وسعادة
- عزيز مرقة يشوق جمهوره لحفلته المنتظرة في ساقية الصاوي بمصر
- أحمد الشامي يحتفل بعيد ميلاد ابنته ويدعو الله أن يبارك لهما في هذه المناسبة المميزة
- تيام قمر يشارك صورة مميزة مع مصطفى قمر والهضبة في لحظة ساحرة مع القمرين
التعليقات