شاركت الفنانة رانيا فريد شوقي جمهورها بموقف طريف من كواليس تصوير مسلسل «سوق الخضار»، حيث تفاعل هذا الموقف مع الفنانة فيفي عبده، وكشفت عن تفاصيل مشهد خناقة ممتع لا يُنسى عبر حساباتها على مواقع التواصل الاجتماعي.
وقالت رانيا: «كان في مشهد خناقة، فيفي ضربت فيه بنت الجيران علقة محترمة، وأنا واقفة وراها على طول، قلت لنفسي: وأنا الجاية الخناقة اللي بعدها»
ممكن يعجبك: محمود حمدان يهاجم أحمد آدم بعد دعاء عليه أثناء الصلاة
وأضافت: «وهي مندمجة في الضرب شدت البنت من شعرها، طلعت في إيديها البوستيجة اللي كانت مركّباها، قولت: دي طلّعت شعر البنت، أمال أنا بقى هتعمل فيا إيه؟! دي العلقة اللي فاتت كان مجرد تسخين»
اقرأ كمان: مي عمر تحتفل بكريم محمود عبدالعزيز وزوجته بعد نفي شائعات الانفصال
وكشفت رانيا عن رد فعل فيفي قائلة: «لما شافت الخضة اللي على وشي، ضحكت وقالتلي: ما تخافيش، بس ثبتي «البوستيجة»! قولتلها: عمر بابا ضربك؟ قالتلي: لأ… ده حبيبي! قولتلها: طب ردي الجميل بقى في بنت حبيبك!»
واختتمت رانيا كلامها قائلة: «فيفي دمها زي العسل، ومن أطيب الناس اللي قابلتهم، والمشهد ده من الذكريات اللي ما تتنسيش، هو الحقيقة المسلسل كله كنا بنضحك فيه طول الوقت»
التعليقات