أبدى الفنان أحمد عصام دعمه الكبير لصديقه الفنان تامر حسني بعد أن خضع ابنه آدم لعمليتين جراحيتين، حيث نشر صورًا لهما عبر حسابه الشخصي على إنستجرام وكتب: “ربنا يشفيك ياحبيبي ويعافيك”
خضوع آدم تامر حسني لعمليتين جراحيتين
أعلن تامر حسني عبر حسابه الشخصي على فيسبوك، منذ قليل، عن خضوع ابنه آدم لعمليتين جراحيتين بشكل مفاجئ بسبب انفجار الزائدة الدودية، ووجه رسالة شكر لجمهوره على الدعم الكبير والدعوات التي تلقاها لشفاء ابنه.
وكتب تامر حسني على فيسبوك: “على تليفوني وتليفونات كل المحيطين بيا، هو عمل عمليتين كبار بسبب انفجار الزايدة المفاجئ، واللي كانت أعراضه سخونية عادية، بس بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص، لا روحوا اكشفوا كويس و اعملوا سونار على البطن والزايدة مرة و٢ عشان برضو ساعات مش بيبان، ولازم الدكتور يضغط بطريقة معينة، تقريباً أقوى شوية عشان يعرف، لأني سمعت كتير اليومين دول إن الزايدة خادعة”
وتابع: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه، وبدعواتكم مستنيين النتايج تكون خير يارب و يعدي مرحلة الخطر”
وأوضح: “اشفيه وعافيه يارب، هو وكل ولادنا بس هو راجل وهيتحمل، وإن شاء الله ربنا يكرمه ويعافيه ويحفظه هو وإخوته، ويحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق، متشكر أوي يا جماعة، شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه، وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم”
- محمد رمضان يضيء سماء بيروت بأقوى حفلة في العالم العربي قبل "فورم دي بيروت"
- وداع شيريهان للقاضي الرحيم بكلمات مؤثرة تعبر عن السلام والإنسانية
- هالة صدقي تشارك صورة رائعة مع أصغر معجبيها.. اكتشف أجمل لحظاتها مع محبيها!
- داليا مصطفي تتألق بإطلالة ساحرة باللون الأسود في أحدث ظهور لها
- احتفال دياب بعيد ميلاد زوجته.. العمر كله معًا في حب وسعادة
التعليقات